Author: जगदिश निळकंठ सोनवणे

नंदुरबार (प्रतिनिधी)  : राज्यातील जिल्हा परिषद प्राथमिक शिक्षकांच्या विस्तार अधिकारी (शिक्षण), केंद्रप्रमुख व मुख्याध्यापक पदोन्नती प्रक्रियेत सेवाज्येष्ठ TET/CTET पात्र शिक्षकांवर अन्याय होत असल्याचा आरोप करत महाराष्ट्र राज्य शिक्षक परिषद (प्राथमिक विभाग) च्या शिष्टमंडळाने ग्रामविकास मंत्री नामदार जयकुमार गोरे यांची भेट घेऊन सविस्तर निवेदन सादर केले. अखिल भारतीय राष्ट्रीय शैक्षिक महासंघ संलग्नित महाराष्ट्र राज्य शिक्षक परिषद (प्राथमिक विभाग) यांच्या वतीने मुंबई येथील मंत्री महोदयांच्या शासकीय निवासस्थानी ही भेट घेण्यात आली. यावेळी शिक्षकांच्या पदोन्नती प्रक्रियेत उद्भवलेल्या विविध प्रश्नांकडे मंत्री महोदयांचे लक्ष वेधण्यात आले. शिक्षण संचालकांनी १४ मे २०२६ रोजी जारी केलेल्या पत्रामुळे पदोन्नती प्रक्रियेत संभ्रम निर्माण झाल्याचे निवेदनात नमूद करण्यात आले…

नंदुरबार : हिंदवी स्वराज्याचे संस्थापक छत्रपती शिवाजी महाराज यांच्या तिथीनुसार ३५३ व्या शिवराज्याभिषेक दिनानिमित्त नंदुरबार शहरात भव्य मिरवणूक आणि शिवकालीन युद्धकला अर्थात मर्दानी खेळाच्या चित्तथरारक प्रात्यक्षिकांचे आयोजन करण्यात आले आहे. हिंदु सेवा सहाय्य समितीच्या वतीने शनिवार, दि. २७ जून रोजी हा सोहळा उत्साहात साजरा केला जाणार आहे. या कार्यक्रमाची सुरुवात दुपारी ४.३० वाजता छत्रपती शिवाजी महाराज नाट्य मंदिर येथे अभिषेक पूजनाने होणार आहे. त्यानंतर छत्रपती शिवाजी महाराज यांच्या प्रतिमेची पालखी शोभायात्रा, धर्मवीर संभाजीराजे यांच्या बलिदानाचा जिवंत देखावा तसेच शिवकालीन युद्धकलेची आकर्षक प्रात्यक्षिके सादर करण्यात येणार आहेत. मिरवणूक छत्रपती शिवाजी महाराज नाट्य मंदिर येथून प्रारंभ होऊन मोठा मारुती मंदिर, शक्ती…

नंदुरबार (प्रतिनिधी) : देशातील लाखो विद्यार्थी वैद्यकीय क्षेत्रात प्रवेश मिळविण्यासाठी NEET परीक्षेची तयारी करत आहेत. अशा परिस्थितीत विद्यार्थ्यांनी आपले संपूर्ण लक्ष केवळ अभ्यासावर केंद्रित ठेवावे आणि सोशल मीडिया, राजकीय चर्चा तसेच विविध आंदोलनांच्या आवाहनांमुळे विचलित होऊ नये, असे आवाहन शिक्षण क्षेत्रातील जाणकारांकडून करण्यात येत आहे. NEET ही देशातील सर्वाधिक स्पर्धात्मक परीक्षांपैकी एक मानली जाते. या परीक्षेसाठी विद्यार्थी अनेक महिने तसेच काही वेळा वर्षानुवर्षे कठोर परिश्रम घेत असतात. त्यामुळे परीक्षेच्या काही आठवडे आधीचा कालावधी हा अत्यंत महत्त्वाचा मानला जातो. या काळात कोणत्याही प्रकारचे मानसिक विचलन विद्यार्थ्यांच्या कामगिरीवर परिणाम करू शकते. सध्या सोशल मीडियावर विविध विषयांवरील चर्चा, मोहिमा, राजकीय घडामोडी आणि…

नंदुरबार (प्रतिनिधी) नंदुरबार जिल्ह्यात अवैध दारूनिर्मितीविरोधात स्थानिक गुन्हे शाखेने मोठी कारवाई करत बनावट देशी दारू तयार करणारा कारखाना उद्ध्वस्त केला. या कारवाईत सुमारे 10 लाख 17 हजार 500 रुपये किमतीचा मुद्देमाल जप्त करण्यात आला असून एक आरोपीला अटक करण्यात आली आहे.       नंदुरबार जिल्ह्याच्या पोलीस अधीक्षक अश्विनी सानप यांनी जिल्ह्यातील अवैध दारूनिर्मिती, वाहतूक, साठवणूक, अंमली पदार्थ, अवैध शस्त्रे व इतर बेकायदेशीर धंद्यांवर प्रभावी कारवाई करण्याचे आदेश दिले होते. त्यानुसार स्थानिक गुन्हे शाखेचे पोलीस निरीक्षक हेमंत पाटील यांना गुप्त माहिती मिळाली की, जुगनी (ता. अक्कलकुवा) येथील दुगलीबारी पाड्यात एका घरात स्पिरीटच्या साहाय्याने बनावट देशी दारू तयार केली जात आहे.…

नंदुरबार, (प्रतिनिधी) नंदुरबार पंचायत समिती अंतर्गत ग्रामपंचायत कोळदा येथे कार्यरत असलेले ग्रामपंचायत अधिकारी श्री. संजय देवरे यांची शहादा येथे पदोन्नतीने नियुक्ती झाल्याबद्दल ग्रामपंचायत अधिकारी संघटनेच्या वतीने पंचायत समिती नंदुरबारच्या सभागृहात त्यांचा भावपूर्ण सत्कार करण्यात आला. कार्यक्रमाच्या अध्यक्षस्थानी ग्रामपंचायत अधिकारी श्री. दौलत कोकणी होते. प्रमुख पाहुणे म्हणून विस्तार अधिकारी श्री. वाय. डी. पवार, श्री. एन. जी. पाटील तसेच श्री. सागर राजपूत उपस्थित होते. यावेळी ग्रामपंचायत अधिकारी संघटनेचे पदाधिकारी, अधिकारी बंधू-भगिनी आणि कर्मचारी मोठ्या संख्येने उपस्थित होते. सत्कार समारंभात उपस्थित मान्यवरांनी श्री. संजय देवरे यांच्या कार्याचा गौरव करताना त्यांच्यासोबत काम करतानाच्या आठवणींना उजाळा दिला. त्यांच्या कर्तव्यदक्ष, समन्वयशील आणि संघटनात्मक कार्यपद्धतीमुळे…

नंदुरबार (प्रतिनिधी) : शाळेचा पहिला दिवस हा प्रत्येक बालकाच्या आयुष्यातील अविस्मरणीय क्षण असतो. याच भावनेला साजेसा आनंदोत्सव येथील वेस्ट खान्देश भगिनी सेवा मंडळ, धुळे संचलित श्रीमती प्यारीबाई ओसवाल प्राथमिक विद्यामंदिरात उत्साहपूर्ण वातावरणात साजरा करण्यात आला. नवीन प्रवेशित विद्यार्थ्यांच्या स्वागतासाठी आयोजित प्रवेशोत्सवाने संपूर्ण शाळा परिसर आनंद, उत्साह आणि चैतन्याने फुलून गेला. कार्यक्रमाच्या अध्यक्षस्थानी शाळेचे मुख्याध्यापक राहुल मोरे होते. प्रमुख पाहुणे म्हणून शालेय व्यवस्थापन समिती अध्यक्षा जयश्री बोरसे, उपाध्यक्ष तथा पालक प्रतिनिधी हेमंत परदेशी आणि समिती सदस्य मंजुबेन जैन उपस्थित होते. कार्यक्रमाची सुरुवात मान्यवरांच्या हस्ते सरस्वती पूजन व दीपप्रज्वलनाने झाली. यावेळी इयत्ता तिसरी व चौथीच्या विद्यार्थ्यांनी सादर केलेल्या स्वागतगीत आणि…

पळशी, ता. अक्कलकुवा (प्रतिनिधी) : जिल्हा परिषद केंद्र शाळा पळशी, शाळा व्यवस्थापन समिती व ग्रामपंचायत पळशी यांच्या संयुक्त विद्यमाने शैक्षणिक वर्ष २०२६-२७ च्या प्रारंभी शाळा प्रवेशोत्सव मोठ्या उत्साहात आणि आनंदी वातावरणात साजरा करण्यात आला. प्रवेशोत्सवानिमित्त नव्याने प्रवेश घेतलेल्या विद्यार्थ्यांचे औक्षण व पूजन करून त्यांच्या पायांचे शुभ ठसे उमटवत शाळेत स्वागत करण्यात आले. तसेच विद्यार्थी व पालकांसाठी आकर्षक सेल्फी पॉईंटची उभारणी करण्यात आली होती. या सेल्फी पॉईंटवर विद्यार्थ्यांनी व पालकांनी आनंदाने छायाचित्रे काढून प्रवेशोत्सवाच्या आठवणी जतन केल्या. यावेळी विद्यार्थ्यांना शालेय जीवनाबद्दल सकारात्मक भावना निर्माण व्हावी यासाठी विविध उपक्रमांचे आयोजन करण्यात आले. पहिल्याच दिवशी विद्यार्थ्यांना मोफत गणवेश व पाठ्यपुस्तकांचे वितरण करण्यात…

नंदुरबार (प्रतिनिधी) : शैक्षणिक वर्ष २०२६-२७ ची सुरुवात उत्साहपूर्ण आणि आनंददायी वातावरणात करण्यासाठी राज्य शासनाच्या शालेय शिक्षण विभागाच्या वतीने नंदुरबार जिल्ह्यात शाळा प्रवेशोत्सव २०२६ चे भव्य आयोजन करण्यात आले आहे. दि. १५ जून रोजी जिल्ह्यातील सर्व शाळा नियमित वेळेत सुरू होणार असून विद्यार्थ्यांच्या स्वागतासाठी विशेष कार्यक्रमांचे आयोजन करण्यात आले आहे. शाळेचा पहिला दिवस विद्यार्थ्यांच्या जीवनातील महत्त्वाचा टप्पा मानला जातो. या दिवसाचे औचित्य साधून विद्यार्थ्यांमध्ये शिक्षणाबाबत आकर्षण निर्माण व्हावे, त्यांचा आत्मविश्वास वाढावा आणि शालेय जीवनाची सकारात्मक सुरुवात व्हावी, या उद्देशाने प्रवेशोत्सव साजरा केला जात आहे. या कार्यक्रमासाठी राज्याचे शालेय शिक्षणमंत्री दादा भुसे नंदुरबार जिल्ह्यात उपस्थित राहणार आहेत. ते धडगाव…

नंदुरबार, दि. ८ जून : सारंगखेडा परिसरात मागील काही महिन्यांपासून सुरू असलेल्या घरफोडीच्या घटनांचा छडा लावत स्थानिक गुन्हे शाखेने आंतरराज्यीय घरफोडी करणाऱ्या टोळीचा पर्दाफाश केला आहे. या कारवाईत तीन आरोपींना अटक करण्यात आली असून त्यांच्याकडून १७ लाख ३४ हजार ४९ रुपयांचा मुद्देमाल जप्त करण्यात आला आहे. तसेच चार घरफोडीचे गुन्हे उघडकीस आणण्यात पोलिसांना यश आले आहे. नंदुरबार येथे सोमवारी आयोजित पत्रकार परिषदेत जिल्हा पोलीस अधीक्षक श्रीमती अश्विनी सानप यांनी ही माहिती दिली. सारंगखेडा पोलीस ठाणे हद्दीतील बोराळे गावात २९ मेच्या रात्री युवराज शंकर माळी व किशोर भरत पाटील यांच्या घरांचे मागील दरवाजे तोडून अज्ञात चोरट्यांनी ६ लाख १५ हजार…

नंदुरबार (प्रतिनिधी) बांगलादेशातील कॉक्स बाजार परिसरातील रोहिंग्या निर्वासित शिबिरे आता केवळ विस्थापितांच्या निवाऱ्याची ठिकाणे राहिलेली नसून, ती विविध सशस्त्र गटांच्या संघर्षाचे केंद्र बनत चालली आहेत. ARSA, ARA (नबी होसैन बहिनी), ARO, सद्दाम बहिनी आणि झाकिर बहिनी यांसारख्या गटांमध्ये शिबिरांवरील वर्चस्व, अवैध व्यापार, भरती यंत्रणा, मदत वितरण आणि स्थानिक प्रशासनावर नियंत्रण मिळवण्यासाठी सतत हिंसक संघर्ष सुरू आहेत. हत्या, गोळीबार, अपहरण, खंडणी व अंमली पदार्थांची तस्करी यामुळे शिबिरांतील सामान्य रोहिंग्या नागरिक भयाच्या छायेत जीवन जगत आहेत. विशेषतः मजही (स्थानिक नेते) आणि शिबिरातील प्रभावशाली व्यक्तींना लक्ष्य करून हत्या केल्या जात आहेत. यामागील उद्देश शिबिरांमधील अनौपचारिक प्रशासन व्यवस्था आपल्या ताब्यात घेणे हा…