नंदुरबार – महाराष्ट्र ट्रायथलॉन संघटना व नंदुरबार जिल्हा ट्रायथलॉन संघटना यांच्या संयुक्त विद्यमाने स्व. बाळासाहेब ठाकरे जलतरण तलाव, नंदुरबार येथे राज्यस्तरीय अक्वाथलॉन स्पर्धेचे भव्य आयोजन करण्यात आले. राज्यभरातील विविध जिल्ह्यांमधून खेळाडूंनी उत्साहपूर्ण सहभाग नोंदविला. या स्पर्धेतून महाराष्ट्राचा राष्ट्रीय संघ निवडण्यात येणार असून ११ व १२ ऑक्टोबर रोजी भोपाळ येथे होणाऱ्या राष्ट्रीय स्पर्धेत हा संघ राज्याचे प्रतिनिधित्व करणार आहे.
बक्षीस वितरण समारंभास जिल्हाध्यक्ष व युवा नेते किरण रघुवंशी, बॉक्सिंग संघटनेचे अध्यक्ष यशवर्धन रघुवंशी, मुख्याध्यापक संघाचे सचिव प्राचार्य पुष्पेंद्र रघुवंशी, राज्य ट्रायथलॉन संघटनेचे अध्यक्ष दयानंद कुमार, सचिव राजेंद्र निंबाळते, जिल्हा सचिव डॉ. मयूर ठाकरे, तांत्रिक समितीचे अध्यक्ष अभय देशमुख, कमलेश नगरकर, तसेच क्रीडा मार्गदर्शक केंद्रातील अधिकारी बालाजी केंद्रे व सुनील भिसे आदी मान्यवर उपस्थित होते.
या प्रसंगी अध्यक्ष किरण रघुवंशी यांनी खेळाडूंना प्रेरणा देताना सांगितले, “खेळातून मिळणाऱ्या संधी जीवनाला योग्य दिशा देतात. त्यामुळे खेळाडूंनी सातत्याने विविध स्पर्धांमध्ये सहभाग नोंदवत राहावे.”
स्पर्धा यशस्वी करण्यासाठी डॉ. मयूर ठाकरे, राहुल काळे, अमोल भोयर, रंजीत गावित, अमित गावित यांनी परिश्रम घेतले. तसेच जगदीश बच्छाव, संदीप पाटील, भटू पाटील, भरत चौधरी, जगदीश वंजारी, राजेश्वर चौधरी यांनी मोलाचे योगदान दिले.
★★ स्पर्धेचा निकाल ★★
◆◆ १० वर्षाखालील गट
मुले : प्रथम – मोमीन मोहम्मद (ठाणे), द्वितीय – आर्य धोत्रे (पुणे)
मुली : प्रथम – त्विशा खैरणार (नाशिक), द्वितीय – जान्हवी केंगर (सोलापूर)
◆◆ १२ वर्षांखालील गट
मुले : प्रथम – हर्षा पाटील (पुणे), द्वितीय – हिमांशू नरखेडे (अमरावती)
मुली : प्रथम – पायल पाटील (पुणे), द्वितीय – श्रीनीथी एस (ठाणे)
◆ १३ ते १५ वर्षे गट
मुले : प्रथम – वरून राज डोंगळे (पुणे), द्वितीय – मेघराज डोंगळे (पुणे)
मुली : प्रथम – ऋतुजा जाळे (पुणे), द्वितीय – इश्वरी काळमेघ (वर्धा)
◆ १६ ते १८ वर्षे गट
मुले : प्रथम – अश्विन एस (ठाणे), द्वितीय – जय लवटे (पुणे)
मुली : प्रथम – श्रावणी जगताप (पुणे), द्वितीय – गौरी शिंगाडे (पुणे)
◆ ओपन गट
पुरुष : प्रथम – अंगत इंगळेकर (पुणे), द्वितीय – पार्थ मिरगे (पुणे)
महिला : प्रथम – स्नेहल जोशी (नागपूर), द्वितीय – सिद्धी धनवटे (पुणे)
◆ ५० वर्षांवरील गट
पुरुष : प्रथम – नरेंद्र पाटील