नंदुरबार (प्रतिनिधी) नंदुरबार जिल्हा अथलेटिक्स असोसिएशनच्या वतीने कोपरगाव येथे होणाऱ्या महाराष्ट्र ऍथलेटिक्स असोसिएशन आयोजित सब-ज्युनिअर गटाच्या राज्यस्तरीय ऍथलेटिक्स स्पर्धेसाठी नंदुरबार जिल्हा संघाची निवड करण्यात आली आहे. या निवड चाचणी स्पर्धा नंदुरबार येथील जिल्हा क्रीडा संकुलात उत्साहात संपन्न झाल्या असून निवड झालेले खेळाडू राज्यस्तरीय स्पर्धेत नंदुरबार जिल्ह्याचे प्रतिनिधित्व करणार आहेत. निवड झालेल्या खेळाडूंना नंदुरबार जिल्हा अथलेटिक्स असोसिएशनचे अध्यक्ष आमदार चंद्रकांत रघुवंशी तसेच उपाध्यक्ष प्रा. दिलीप जानराव यांनी अभिनंदन करून पुढील स्पर्धेसाठी शुभेच्छा दिल्या. स्पर्धेच्या यशस्वी आयोजनासाठी संघटनेचे सचिव डॉ. मयूर ठाकरे, तलवारबाजी संघटनेचे सचिव बाबुराव जाधव, क्रीडाशिक्षक तुषार सोनवणे, योगेश माळी, रुपेश महाजन, चेतन शेवाळे, आर्चरी संघटनेचे सचिव राजेश्वर चौधरी,डॉ. जितेंद्र माळी, क्रीडाशिक्षक सूरज परदेशी तसेच सुलेमान गावित यांनी विशेष परिश्रम घेतले. स्पर्धेतील निकालानुसार ८ वर्षे खालील ५० व १०० मीटर धावण्यात मुलांमध्ये निशांत गणेश चौधरी प्रथम, रिषभ कैलास वसावे द्वितीय तर विशंभर अशोक वळवी तृतीय क्रमांकावर राहिले, तर मुलींमध्ये पठाण सादिया तनवीर खान, यस्मिता धर्मेंद्र पाडवी, ओजस्वी मयूर ठाकरे व शाहीना हरीम इम्रान पिंजारी यांनी उल्लेखनीय कामगिरी केली. १० वर्षे खालील गटात ६० व १०० मीटर धावण्यात वियांश बाबूलाल मीना, अथर्व युवराज पाटील, प्रज्वल बाबुराव जाधव व श्रेयस किसन पाडवी यांनी यश संपादन केले, तर मुलींमध्ये प्रकृती छोटा वळवी व यामिनी संदीप पाटील यांनी बाजी मारली. १२ वर्षे खालील गटात हिमांशू संदेश माळी, अतुल गणेश चौधरी, किशोर लालसिंग वसावे व अलवेज मुनाफ पिंजारी यांनी उत्कृष्ट कामगिरी केली, तर मुलींमध्ये याचना धर्मेंद्र पाडवी, मुग्धा मनीष मोरे व मृणाल गोपाल माळी यांनी यश मिळवले. १४ वर्षे खालील गटात ८० व ३०० मीटर धावणे, उंच उडी व गोळा फेक प्रकारात रोहित रवींद्र गावित, दर्शन अनिल गावित, शिवम दिलबरसिंग वळवी, हर्षवर्धन अमित मराठे, निखिल संदीप पाटील यांनी मुलांमध्ये तर मनीषा मोहन कोकणी, मानसी प्रकाश पाटील, हर्षिका भावेश पवार, पूजा टेटीया वसुनिया व मेघा योगेश वसावे यांनी मुलींमध्ये उल्लेखनीय यश संपादन केले.