नंदुरबार : तोरखेडा येथील विविध कार्यकारी सेवा सहकारी सोसायटीचे माजी चेअरमन कै. नथू गोरख रामोळे (वय ७४) यांचे शनिवार, दि. १८ जुलै २०२६ रोजी रात्री १२.३० वाजता अल्पशा आजाराने दुःखद निधन झाले.
कै. रामोळे हे मनमिळावू, शांत स्वभावाचे व सामाजिक कार्यात नेहमी अग्रेसर असलेले व्यक्तिमत्त्व म्हणून परिसरात परिचित होते. विविध कार्यकारी सोसायटीचे चेअरमन म्हणून त्यांनी शेतकरी व सर्वसामान्य नागरिकांच्या हितासाठी उल्लेखनीय कार्य केले. तसेच ते वारकरी संप्रदायाशी निगडित असून धार्मिक व सामाजिक उपक्रमांमध्ये त्यांचा सक्रिय सहभाग होता.
त्यांच्या निधनाने तोरखेडा परिसरात शोककळा पसरली असून रामोळे कुटुंबावर दुःखाचा डोंगर कोसळला आहे. ते सामाजिक कार्यकर्ते विलास नथू रामोळे यांचे वडील होत.
त्यांच्या पश्चात पत्नी, तीन मुले, एक मुलगी, भाऊ असा मोठा परिवार आहे.
त्यांच्या निधनाबद्दल विविध सामाजिक, राजकीय, सहकार व धार्मिक क्षेत्रातील मान्यवरांनी शोक व्यक्त करून कै. नथू गोरख रामोळे यांना भावपूर्ण श्रद्धांजली अर्पण केली आहे.