नंदुरबार, (प्रतिनिधी) नंदुरबार पंचायत समिती अंतर्गत ग्रामपंचायत कोळदा येथे कार्यरत असलेले ग्रामपंचायत अधिकारी श्री. संजय देवरे यांची शहादा येथे पदोन्नतीने नियुक्ती झाल्याबद्दल ग्रामपंचायत अधिकारी संघटनेच्या वतीने पंचायत समिती नंदुरबारच्या सभागृहात त्यांचा भावपूर्ण सत्कार करण्यात आला.
कार्यक्रमाच्या अध्यक्षस्थानी ग्रामपंचायत अधिकारी श्री. दौलत कोकणी होते. प्रमुख पाहुणे म्हणून विस्तार अधिकारी श्री. वाय. डी. पवार, श्री. एन. जी. पाटील तसेच श्री. सागर राजपूत उपस्थित होते. यावेळी ग्रामपंचायत अधिकारी संघटनेचे पदाधिकारी, अधिकारी बंधू-भगिनी आणि कर्मचारी मोठ्या संख्येने उपस्थित होते.
सत्कार समारंभात उपस्थित मान्यवरांनी श्री. संजय देवरे यांच्या कार्याचा गौरव करताना त्यांच्यासोबत काम करतानाच्या आठवणींना उजाळा दिला. त्यांच्या कर्तव्यदक्ष, समन्वयशील आणि संघटनात्मक कार्यपद्धतीमुळे त्यांनी ग्रामपंचायत प्रशासनात वेगळी ओळख निर्माण केल्याचे वक्त्यांनी नमूद केले.
अध्यक्षीय भाषणात श्री. दौलत कोकणी यांनी श्री. देवरे यांच्या कार्याचा विशेष उल्लेख करताना सांगितले की, “संजय देवरे यांनी ग्रामपंचायत अधिकारी संघटना आणि अधिकारी वर्गासाठी केलेले योगदान नेहमी स्मरणात राहील. त्यांच्या कार्याचा आदर्श पुढील पिढीतील अधिकाऱ्यांना प्रेरणा देणारा आहे.”
कार्यक्रमास ग्रामपंचायत अधिकारी सी. आर. करोडीवाल, आर. डी. पवार, बी. डी. देवरे, आरती पाटील, पंकज पिंपळे, चेतना गोसावी, सीमा वेदे, कविता शिंदे, शोभा पाटील, भाऊराव बिराडे, आर. सी. माळी, शरद पवार, तडवी आप्पा, डुडवे आप्पा, महेश पाटील, योगेश पाटील, प्रवीणसिंग गिरासे, अनिल वसावे, सतीश पाटील यांच्यासह अनेक ग्रामपंचायत अधिकारी उपस्थित होते.
कार्यक्रमाचे सूत्रसंचालन विजय पाटील यांनी केले. तर सी. आर. करोडीवाल यांनी आभार प्रदर्शन करून श्री. संजय देवरे यांना भावी वाटचालीसाठी शुभेच्छा दिल्या. उपस्थितांनीही त्यांच्या पुढील सेवाकाळासाठी शुभेच्छांचा वर्षाव करत त्यांना उज्ज्वल भवितव्याच्या शुभेच्छा दिल्या.