नाशिक (प्रतिनिधी) नंदुरबार येथील युवा पत्रकार विशाल मोहन गायकवाड (माळी) यांनी नाशिक येथे आयोजित पत्रकार पदविका कोर्समध्ये प्रथम श्रेणीत उत्तीर्ण होत उल्लेखनीय यश संपादन केले आहे. हा कोर्स दर्पणकार बाळशास्त्री जांभेकर अकॅडमी तर्फे आयोजित करण्यात आला होता.
या कोर्सचा पदवीदान समारंभ १५ मार्च रोजी नाशिक येथे उत्साहात पार पडला. कार्यक्रमाला प्रमुख पाहुणे म्हणून मा. सौ. हिमगौरी आडके-आहेर (महापौर, नाशिक मनपा), मा. अजय बोरस्ते (शिवसेना उपनेते तथा नगरसेवक) तसेच डॉ. आशाताई पाटील (राष्ट्रीय संस्थापक अध्यक्षा – ग्राहक रक्षक समिती) उपस्थित होते.
यावेळी अकॅडमीच्या संचालिका डॉ. कृतिका मराठे व डॉ. महेंद्र देशपांडे यांचीही प्रमुख उपस्थिती होती. मान्यवरांच्या हस्ते यशस्वी विद्यार्थ्यांना पत्रकार पदविका प्रदान करण्यात आली.
पत्रकार पदविका कोर्समध्ये प्रथम श्रेणीत उत्तीर्ण झाल्याबद्दल विशाल मोहन गायकवाड (माळी) यांचे पत्रकार बांधव, मित्रपरिवार तसेच सामाजिक क्षेत्रातून अभिनंदन करण्यात येत असून त्यांच्या पुढील वाटचालीस शुभेच्छा दिल्या जात आहेत.