नंदुरबार (प्रतिनिधी) आगामी जिल्हा परिषद निवडणुकीच्या पार्श्वभूमीवर भारतीय जनता पार्टीकडून तालुका स्तरावर जोरदार तयारीला सुरुवात झाली आहे. या तयारीचा एक महत्त्वपूर्ण टप्पा म्हणून आज नंदुरबार शहरातील शहादा बायपास रस्त्यालगत भारतीय जनता पार्टी तालुका अध्यक्ष दीपक पाटील यांच्या संपर्क कार्यालयाचे उद्घाटन माजी आदिवासी विकास मंत्री तथा विद्यमान आमदार डॉ. विजयकुमार गावित यांच्या हस्ते संपन्न झाले.
या कार्यक्रमाला जिल्हा परिषदेच्या माजी अध्यक्षा डॉ. कुमुदिनी गावित व डॉ. सुप्रिया गावित प्रमुख पाहुण्या म्हणून उपस्थित होत्या. फित कापून झालेल्या या उद्घाटन सोहळ्यात आमदार डॉ. गावित यांनी कार्यकर्त्यांना आगामी निवडणुकीत विजय मिळवण्यासाठी उत्साहाने झटण्याचे आवाहन केले.
उद्घाटन प्रसंगी भाजपा तालुकाध्यक्ष दीपक पाटील, माजी जि.प. सदस्य शांताराम पाटील, जिल्हा उपाध्यक्ष जे. एन. पाटील, जिल्हा पदाधिकारी सोमू भैय्या गिरासे, माजी जि.प. सदस्य प्रवीण पाटील, सरपंच सदानंद रघुवंशी, विनोद वानखेडे, योगेश गिरासे, राजू मराठे, उपसरपंच मनोज गिरासे, लोटन पाटील, व्यंकट पाटील, ज्येष्ठ नेते बापू पाटील, प्रफुल्ल पाटील, तुषार पाटील, जुगल पाटील, अक्षय पाटील, अमोल भारती आदींसह तालुक्यातील विविध गावांतील सरपंच-उपसरपंच, ग्रामपंचायत सदस्य, पदाधिकारी आणि नागरिक मोठ्या संख्येने उपस्थित होते.
या उद्घाटन सोहळ्यामुळे तालुक्यातील भाजप कार्यकर्त्यांमध्ये नवचैतन्य निर्माण झाले असून आगामी निवडणुकीसाठी पक्षाने जोरदार तयारीचा बिगुल वाजवला आहे.