नंदुरबार/पावला (प्रतिनिधी) – ASK फाउंडेशन मुंबई यांच्या आर्थिक सहाय्याने राबविण्यात येत असलेल्या समृद्ध किसान प्रकल्पा अंतर्गत इंडियन ग्रामीण सर्व्हिसेस (IGS) व CYDA यांच्या संयुक्त विद्यमाने पावला येथे रानभाजी महोत्सव उत्साहात साजरा करण्यात आला.
महोत्सवाचे सूत्रसंचालन मोहसीन मणियार यांनी केले, तर प्रास्ताविक प्रवीण अहिरे यांनी केले. प्रमुख अतिथी म्हणून रवींद्र मोरे (DDM, नाबार्ड), दीपक पटेल (प्रकल्प संचालक, आत्मा), पैठणकर साहेब (LDM, SBI), पंकज पाटील (मॅनेजर, ASK फाउंडेशन), सौ. आरती देशमुख (विषय विशेषज्ञ, कृषी विज्ञान केंद्र, कोळदा), कांता बनकर (माविम, नंदुरबार), डॉ. शांताराम बडगुजर (सचिव, CYDA), तसेच स्थानिक सरपंच व ग्रामपंचायत सदस्य उपस्थित होते.
मेळाव्यात तब्बल ३५ ते ४० प्रकारच्या रानभाज्यांच्या पाककृतींचे सादरीकरण करण्यात आले. यावेळी दीपक पटेल यांनी रानभाज्यांचे जीवनातील महत्व व संवर्धनाची गरज अधोरेखित केली. रवींद्र मोरे यांनी नाबार्डच्या विविध प्रकल्पांची माहिती दिली. तर पैठणकर यांनी अशा महोत्सवांचे आयोजन शहरांमध्येही करण्याची गरज व्यक्त करत बँकिंग क्षेत्रातून सहकार्याचे आश्वासन दिले. सौ. आरती देशमुख यांनी रानभाज्यांचे आरोग्यदायी फायदे सांगून महिलांना वर्षभर उपलब्धतेसाठी सोलर ड्रायर उपलब्ध करून देण्याची मागणी केली.
पाककला स्पर्धेत तीन महिलांची विजेते म्हणून निवड झाली. त्यांना बक्षिसे देण्यात आली, तर सहा महिला व एका पुरुषाला प्रोत्साहनपर पुरस्कार व प्रमाणपत्रे मान्यवरांच्या हस्ते प्रदान करण्यात आली.
कार्यक्रमाची सांगता CYDA संस्थेच्या प्रकल्प व्यवस्थापक जयश्री सपकाळे यांनी आभार प्रदर्शन करून केली. रानभाजी महोत्सव यशस्वी करण्यासाठी IGS व CYDA संस्थेचे कर्मचारी, जीविका मित्र व CRP यांनी विशेष परिश्रम घेतले.
Trending
- कर्तृत्व, कठोरता आणि विश्वासाचा चेहरा — हेमंत सुभाष पाटील साहेबांना वाढदिवसाच्या मनःपूर्वक शुभेच्छा!
- सीएपीएफमधील आयपीएस नेतृत्वाची भूमिका संस्थात्मकदृष्ट्या का आवश्यक आहे?
- नाशिक येथे पत्रकार पदविका कोर्समध्ये विशाल गायकवाड प्रथम श्रेणीत उत्तीर्ण
- लिपिकांच्या मागण्यांवर शासन दरबारी सकारात्मक चर्चा; लवकर निर्णयाची शक्यता
- लिपिकांच्या मागण्यांवर शासन दरबारी सकारात्मक चर्चा; लवकर निर्णयाची शक्यता
- नंदुरबारमध्ये ‘नंदिनी मिनी सरस’ प्रदर्शनाला उत्स्फूर्त प्रतिसाद; पाच दिवसांत ५३ लाखांची उलाढाल
- शताब्दी इन्स्टिट्यूट ऑफ फार्मसीमध्ये महादेवलाल श्रॉफ व छत्रपती शिवाजी महाराज जयंती उत्साहात साजरी
- जनआंदोलनापासून तुकड्या-तुकड्यांच्या आंदोलनापर्यंत: बदलता कामगार संघटनांचा चेहरा


